मध्यमवर्गीय

असलेल्या गोष्टींचा
ना माज आम्हाला ना
नसलेल्या गोष्टींचे कधी
भांडवल आम्ही करतो
                               म्हणूनच असे कदाचित
                               आम्ही मध्यमवर्गीय
                               सदैव आनंदात असतो

घराचा जरी नसला
तरी आमच्या मनाचा
एरिया मोठा असतो
                             म्हणूनच असेल कदाचित
                            आम्ही मध्यमवर्गीय
                             सदैव आनंदात असतो

असलो माणसे आम्ही
विविध जातीधर्माची
तरी शेजारधर्म हाच
आमच्यासाठी मोठा असतो
                                 म्हणूनच असेल कदाचित
                                 आम्ही मध्यमवर्गीय
                                  सदैव आनंदात असतो

महिनाअखेरीची जुळवाजुळव
ही नेहमीचीच आम्हाला
तरी आमचे सणवार आम्ही
थाटात साजरे करतो
                                     म्हणूनच असेल कदाचित
                                     आम्ही मध्यमवर्गीय
                                     सदैव आनंदात असतो

छोट्या छोट्या गोष्टींनी
मिळे सुख आम्हाला
दुसऱ्याच्या आनंदातही

आम्ही आनंद मानतो
                                 म्हणूनच असेल कदाचित
                                 आम्ही मध्यमवर्गीय
                                 सदैव आनंदी असतो